8th விசையும் அழுத்தமும் பாடக்குறிப்புகள்

⚡ 8th Std - விசையும் அழுத்தமும் ⚡

🎯 விசை

ஒரு பொருளின் ஓய்வு நிலையை அல்லது சீரான வேகத்தில் இயங்கிக்கொண்டிருக்கும் பொருளின் இயக்கநிலையை அல்லது இயங்கும் பொருளின் திசையை அல்லது பொருளின் வடிவத்தை மாற்றக்கூடிய புறக்காரணியே விசை.

எண்மதிப்பும், திசையும் கொண்டிருப்பதால் விசை ஒரு வெக்டர் அளவு ஆகும்.

விசையின் அலகு நியூட்டன் (N).

எந்தவொரு பொருளின் புறப்பரப்பிற்கும் செங்குத்தாக செயல்படும் விசை உந்துவிசை எனப்படும்.

💪 அழுத்தம்

ஒரு பொருளின் ஒரு சதுரமீட்டர் புறப்பரப்பின் மீது செங்குத்தாக செயல்படும் விசை அல்லது உந்துவிசை அழுத்தம் ஆகும்.

அழுத்தம் (P) = விசை (F) / பரப்பு (A)

அழுத்தத்தின் SI அலகு பாஸ்கல்.

1 பாஸ்கல் = 1 N/m²

அழுத்தம், விசையின் எண்மதிப்பையும் தொடுபரப்பையும் சார்ந்தது.

ஒரு பொருளின் மீது அழுத்தத்தை அதிகரிக்க விசையை அதிகரிக்க வேண்டும் அல்லது பரப்பை குறைக்க வேண்டும்.

🌬️ காற்றழுத்தம்

புவிப்பரப்பின் மீது காற்று நிரம்பியுள்ள பரப்பிற்கு வளிமண்டலம் என்று பெயர்.

புவியின் ஓரலகு பரப்பின்மீது கீழ்நோக்கி செயல்படும் வளிமண்டல விசை வளிமண்டல அழுத்தம் எனப்படும்.

வளிமண்டல அழுத்தம் அளவிடும் கருவி பாரோமீட்டர்.

பாதரசமானியை கண்டறிந்தவர் டாரிசெல்லி.

🌡️ பாரோமீட்டர்

பாரோமீட்டரின் தம்பத்தில் உள்ள பாதரசத்தின் உயரத்தை வைத்து வளிமண்டல அழுத்தம் அளவிடப்படுகிறது.

1 atm = 1.01 × 10⁵ Nm⁻²

SI அலகுமுறையில் 1 atm = 1,00,000 பாஸ்கல்.

💧 மிதப்பு விசை

மிதக்கின்ற பொருளின் மீது திரவம் மேல்நோக்கு விசையை செலுத்துகிறது.

இந்த மேல்நோக்கு விசை மிதப்பு விசை எனப்படும்.

திரவங்கள் மற்றும் வாயுக்கள் பாய்மங்கள் எனப்படுகின்றன.

மிதக்கும் பொருளின் மிதப்பு விசை > பொருளின் எடை.

⚙️ பாஸ்கல் விதி

மூடிய திரவத்தின் எந்த புள்ளிக்கும் அளிக்கப்படும் அழுத்தம் அனைத்துப் புள்ளிகளுக்கும் சமமாக பரவுகிறது.

நீரியல் உயர்த்தி மற்றும் தடை அமைப்புகள் பாஸ்கல் விதியின் அடிப்படையில் செயல்படுகின்றன.

💧 பரப்பு இழுவிசை

பரப்பு இழுவிசை என்பது திரவத்தின் ஒரு பண்பாகும்.

திரவத்தின் புறப்பரப்பில் ஓரலகு நீளத்திற்கு செயல்படும் விசை பரப்பு இழுவிசை ஆகும்.

மழைத்துளிகள் கோள வடிவத்தைப் பெறுவது பரப்பு இழுவிசையால்.

🛞 உராய்வு

ஒரு பொருளின் இயக்கத்தை எதிர்க்கும் விசை உராய்வு விசை எனப்படும்.

உராய்வு இயக்கத்தை குறைக்கவும் தடுக்கவும் செய்கிறது.

உராய்வு வெப்பத்தை உருவாக்குகிறது.

உராய்வு தேய்மானத்திற்கு காரணமாகிறது.

உராய்வு இருவகை: நிலை உராய்வு மற்றும் இயக்க உராய்வு.

உருளும் உராய்வு, நழுவு உராய்வை விட குறைவு.

கிரீஸ், எண்ணெய் போன்ற உயவுப்பொருட்கள் உராய்வைக் குறைக்க பயன்படுகின்றன.

👨‍🏫 இரா.செந்தில்குமார், B.T.ASST.
📚 8th Science Reading Notes with TTS