அலகு 2: விசையும் இயக்கமும்
ஓய்வும் இயக்கமும்
• தள்ளுதல் அல்லது இழுத்தல் நிகழ்வுகளின் காரணமாகவே இயக்கம் ஏற்படுகிறது.
• ஓய்வுநிலை அல்லது இயக்கநிலை என்பது காண்பவரது நிலையைப் பொறுத்த சார்புடையவை ஆகும்.
• ஆரியபட்டா கூற்றுப்படி, பூமி மேற்கிலிருந்து கிழக்காகச் சுற்றுகிறது.
விசை (Force)
• பொருட்களின் மீது உயிருள்ள அல்லது உயிரற்ற காரணிகளால் செயல்படுத்தப்படும் தள்ளுதல் அல்லது இழுத்தலே விசையாகும்.
• தொடுவிசை: பொருளினைத் தொடுவதன் மூலம் செயல்படுத்தப்படும் விசை. (எ.கா: கால்பந்தை உதைத்தல்)
• தொடாவிசை: பொருளினைத் தொடாமல் செயல்படுத்தப்படும் விசை. (எ.கா: புவியீர்ப்பு விசை, காந்த விசை)
• விசை ஒரு பொருளின் வேகம், திசை மற்றும் வடிவத்தை மாற்றவல்லது.
இயக்கத்தின் வகைகள்
• நேர்க்கோட்டு இயக்கம்: பொருளானது நேர்க்கோட்டுப் பாதையில் இயங்கும். (எ.கா: தானாகக் கீழே விழும் பொருள்)
• வட்டப்பாதை இயக்கம்: ஒரு பொருள் வட்டப்பாதையில் இயங்குதல். (எ.கா: கடிகார முட்கள்)
• தற்சுழற்சி இயக்கம்: ஒரு பொருள் அதன் அச்சினை மையமாகக் கொண்டு இயங்குதல். (எ.கா: பம்பரம்)
• அலைவு இயக்கம்: ஒரு புள்ளியை மையமாகக் கொண்டு முன்னும் பின்னுமாக நகர்தல். (எ.கா: தனிஊசல்)
• ஒழுங்கற்ற இயக்கம்: நிலையான பாதை இன்றி நகர்தல். (எ.கா: ஈயின் இயக்கம்)
வேகம் மற்றும் சராசரி வேகம்
• ஓரலகு காலத்தில் ஒரு பொருள் எவ்வளவு தூரம் கடந்தது என்பதே சராசரி வேகமாகும்.
• சராசரி வேகம் (S) = கடந்த தொலைவு (d) / எடுத்துக்கொண்ட காலம் (t).
• வேகத்தின் SI அலகு: மீட்டர் / விநாடி (m/s).
• தரையில் வாழும் விலங்குகளில் சிறுத்தையானது 112 கிமீ/மணி வேகத்தில் ஓடும் மிக வேகமான விலங்காகும்.
• சீரான இயக்கம்: குறிப்பிட்ட கால இடைவெளியில் சீரான வேகத்தில் இயங்கும் இயக்கம்.
ரோபாட்டிக்ஸ் (Robotics)
• ரோபாட் என்ற சொல்லின் பொருள் 'உத்திரவுக்கு படிந்த ஊழியர்' என்பதாகும்.
• ரோபாட்டுகளைப் பற்றி அறியும் அறிவியல் பிரிவு ரோபாட்டிக்ஸ் ஆகும்.
• மின்னணு உணர்விகள் ரோபாட்டுகளின் கண்களாகவும் காதுகளாகவும் உள்ளன.
• செயற்கை நுண்ணறிவு என்பது மனித மூளை போன்று சிந்திக்கத்தக்க வகையில் கணினியை உருவாக்குவதாகும்.
• நானோ ரோபாட்டுகள் இரத்த ஓட்டத்தில் செலுத்தப்பட்டு கடினமான அறுவை சிகிச்சைகளைச் செய்யப் பயன்படும்.
No comments:
Post a Comment